Li Kanadayê hikûmeta Lîberal pêşnûmeqanûna bi hejmara C-12 a ku weke “Qanûna Xurtkirina Sîstema Sînor û Koçberiyê ya Kanadayê” tê binavkirin, xiste rojevê. Ev pêşnûmeqanûn li dijî koçberan astengiyên berfireh digire nava xwe. Çavdêr diyar dikin ku eger qanûn bikeve meriyetê, Kanada wê ji polîtîkaya îltîcayê dûr bikeve.
Qanûn ji xeynî sererastkirinên nû yên di qada ewlehiya sînor de, krîterên “ne guncaw” ên li hemberî serlêdanên koçberan, berfireh dike. Qanûn 11’ê Kanûnê bi lez hate qebûlkirin. Tê payîn ku meha Sibatê dema qanûn di Senatoyê re jî derbas bû, wê bikeve meriyetê.
Prof. Îdil Atak a ku li Zanîngeha Metropolîtan a Torontoyê di qada hiqûqa mafên mirovan û koçberan de dixwîne, sererastkirin weke “ji bo parastina koçberan pir paşverû ye” pênase kir.
