Ji bo bîranîna fermandar Nûreddîn Sofî ji serê sibehê ve derabeyên dikanan hatin daxistin, kolan bêdeng bûn. Gel berê xwe da rêgeha ku karwanê cenaze jê derbas bibe.
Cenazeyê Sofî ji morga Nexweşxaneya Bajarê Dêrikê hate wergirtin û bi konvoyeke ji xizm û bi hezaran kesî ber bi Qamişloyê bi rê ket. Konvoy wê li Girkê Legê, Çilaxa û Tirbespiyê ji aliyê gel ve bê pêşwazîkirin.
Cenaze wê li Qamişloyê piştî merasîm li Stadyûma 12’ê Adarê li Şehîdgeha Şehîd Delîl Saroxan bê veşartn. Tê payin ku li gel Kantona Cizîrê ji gelek herêman gel beşdarî merasîmê bibe.
