Koçberên Eren ên li başûrê Kerkukê bi piştirtiya artêşa Iraqê û hêzên polîsan hewl dan gundekî Kurdan dagir bikin. Di bûyerê de ciwanekî ji gund hate binçavkirin.
Li gorî çavkaniyên xwecihî, bûyer li gundê Heftexar a navçeya Dakuk a vîlayeta Kerkûkê rû da. Hate diyarkirin ku koçberên Ereb di saetên siharê de bi wesayîtên zirhî yên ji cûrê Hummer yên artêşa Iraqê ketine herêmê.
Çavkaniyên xwecihî diyarkirin ku hêzên ewlehiyê nehiştine cotkarên Kurd bikevin nava erdê xwe û bi piştgirya hêzekî leşkerî ya mezin cotkaran ji erdê wan derxistine.
Heman çavkanî wiha got: “Gundiyekî ciwan ku li nêzî zeviyan bû hate binçavkirin, heqeret lê hatin kirin û piştî demekî hate berdan. Ciwanê ku hate binçavkirin, berpirsyarê hawzên masiyan ên li gund bû. Hawiz jî li kêleka erdên cotkarên Kurd in.”
Her wiha çavkanî destnîşankirin ku tevî hebûna derdorên siyasî yên Kurd ên li Kerkûk û Bexdayê jî tu piştgirî ji bo cotkarên Kurd nayê dayîn û pirsgirêka ku bi salan in nayê çareserkirin her ku diçe kûrtir dibe.
