Hevseroka Meclîsa Aboriyê ya Kantona Firatê Merwa Dirêî li ser rewşa gel û pirsgirêkên ard û sotemeniyê ji ANHA’yê re axivî.
Merwa Dirê anî ziman ku ji ber êrişên çeteyên HTŞ, DAÎŞ û dewleta Tirk gelek kes ji malên xwe koçber bûne û berê xwe da Kobanê û got: “Dorpêça li ser Kobanê îro di roja xwe ya 10`emîn de dewam dike. Ji bo xizmeta gel, firneyên me 24 saetan nan çêdikin. Di hundirê Kobanê de gelhe zêde ye û gelek koçberên ji Tebqa, Reqa û deverên din hatine Kobanê. Ji ber vê yekê em bi qasî dikarin, ji bo ku gelê me bê nan nemîne, firne 24 saetan di xizmetê de ye.”
Merwa Dirêî diyar kir ku nêzî 600 hezar kes li Kobanê dijîn, ji ber vê yekê hejmara gel zêde ye, arvan û hawên kêm bûye û wiha got: “Wekî tê zanîn ku xwarin û vexwarin kêm in û înternet tune ye. Ji ber vê yekê gel di nava zehmetiyan de ye. Ger em nekarin xwarin û vexwarinê ji gel re çêkin, wê demê di nava krîzekê re derbas bibe.”
Merwa Dirêî di dewama axaftina xwe de anî ziman ku ew hewl didin di hundirê beşa aborî de hemû pêdiviyên jiyanê ji bo gel peyda bikin û wiha got: “Hewldana me ew ku em pêdiviyên jiyanê yên sereke ji bo gel peyda bikin, da ku gelê me di nava krîzan re derbas nebin. Em ê hewl bidin ji hundirê Mola Kobanê de bixibitînin, wek şîrên zarokan peyda bikin.”
Merwa Dirêî di dawiya axaftina xwe de got pêwîstiyên wan bi arvan, hawên û sotemenî ji ber ku niha kêm maye.
