Di destpêka civînê de ji bo bîranîna şehîdên Şoreşa Rojava û hemû şehîdên doza azadiyê deqeyek rêz hate girtin. Berpirsyara saziya jinan Sînema Mehmed civîn bi rêve bir û li ser girîngiya civînê axivî û Şoreşa Rojava pîroz kir.
Di Civînê de Nunerê Rêveberiya Xweser a Demokratîk a Bakur û Rojhilatê Sûriyeyê ya li Federasyona Rûsyayê Reşat Bênav axivî.
Reşad Bênav dîroka Şoreşa Rojava vegot û rewşa gelên Sûriyeyê û gelê Kurd nirxand û got, “Bingehê Şoreşa Rojava Rêber Apo danî, nêzî 20 salan wî kar û xebat kir. Gelê Kurd û Gelên Bakur û Rojhilatê Sûriyeyê bi keda Rêber Apo xwe anîbûn asteke ku bikaribin şoreşeke wiha bi hemû pêkhateyên din re xwe biparêze, hêza xwe ya parastinê mezin bike. Her wiha pêvajoya ku îro Rêber Apo daye destpê kirin ji bo gelê Rojhilata Navîn tesîreke gelek mezin heye. Dîmenê Rêber Apo dema bi vîdeo derket, kelecaneke mezin da çêkirin. Bandora xwe lê kir. Ji bo wê jî gelê me yê Kurd ê li Rûsyayê jî jiyan dike, divê di warê ziman, çand û xebatên ku tên meşandin de bikaribin hîn xurttir kar bikin.”
Civîn bi berzkirina dirûşma “Bijî Rêber Apo” û “Bijî Şoreşa Rojava” bi dawî bû.
