Li gorî Saziya Lêkolînên Jeolojîk a Dewletên Yekbûyî yên Emerîkayê (USGS) erdhej li gorî dema herêmî saet di 14.20’an de bi 16 kîlometreyan li bakurêrojavayê bajarokê Sagaing pêk hat. Li gorî heman çavkaniyê, piştî çend deqeyan bi mezinahiya 6.4 erd hejiya.
Rêveberiya cunta ya leşkerî ya li Myanmarê, piştî erdhejê ji bo alîkariya navneteweyî bang kir. Rayedaran li 6 herêman rewşa awarte ragihandin.
Tayland û Çîn jî bi erdhejê hesiyan. Li paytexta Tayland Bangkok’ê avahiyeke ji 30 qatî hilweşiya. Li gorî xebatkarên rewşa lezgîn, ji bo 43 karkerên li avahiyê asê mane, xebatên lêgerînê hate destpêkirin.
