Polîsên Efrîkaya Başûr diyar kirin ku şeva Sêşemê li taxa Celeveland a li rojhilatê Johannesburgê êrişeke giran a çekdarî hate kirin.
Li gorî daxuyaniya berdevkê polîsan Dimakatso Nevhuhulwi, zêdeyî 10 çekdar bi wesayitekê saet di 23:00 a bi dema herêmî hatin herêmê û ji du deverên cuda dest bi êrişê kirin.
Hate ragihandin ku êrişkaran piştîgulereşandina li mirovên li derdorê bi wesayitê ji cihê bûyerê reviyan.
Li gorî lêkolînên destpêkê yên polîsan bi giştî 12 kesî jiyana xwe ji dest dan.
Polîsan ragihandin ku heta niha ew sedema êrişê nizanin û kesek nehatiye binçavkirin.
Têkildarî bûyerê lêpirsîneke berfireh hate destpêkirin.
ROJANE DERDORA 60 KES TÊNE KUŞTIN
Efrîkaya Başûr weke yek ji wan welatên cîhanê tê dîtin ku rêjeya sûc lê bilind e. Li vî welatî ji ber ku çekên qanûnî û ne qanûnî zêde ne, êrişên çekdarî gelek caran têne kirin.
Li gorî daneyên fermî li Efrîkaya Başûr rojane zêdeyî 60 kes têne kuştin.
