Navenda Ragihandinê ya Hêzên Ewlekariya Hundirîn a Herêma Bakur û Rojhilatê Sûriyeyê têkildarî teqîna li herêma Erîşa ya bajarê Şedadê ku di encamê de kesekî jiyana xwe ji dest da û yek jî birîndar bû, daxuyandî da.
Li gorî daxuyaniya Navenda Ragihandinê, Motorsîkleta ku ji bo teqînê hatibû amadekirin li ser pira Hedadiyê ya li herêma Erîşa ya bajarê Şedadê teqiya, di encamê de kesekî jiyana xwe ji dest da û yek jî birîndar bû. Paşê birîndar rakirin nexweşxaneyê.
Di daxuyaniyê de hat diyarkirin ku lêkolînên destpêkê eşkere bû ku bin aliyê rastê yê qapaxa motora motorsiklêt bi TNTˊê, perçeyên hesin û fosfora şewatbar dagirtî bûn.
Di daxuyaniyê de hat gotin ku hêzan yekser dest bi dorpêçkirina cihê teqînê kir û dest bi komkirina delîl û îsbatan kir. Lêpirsîna ji bo dîtina êrîşkaran hatiye destpêkirin didome.
