Îro li Silêmaniyê bi beşdarbûna jinên çalakvan, azadîxwazan û endamên rêxistinan navenda rêxistineke nû ya jinan ya binavê Komaleya Jinên Serbixwe hate damezrandin.
Berdevka Rêxistina Jinên Serbixwe Şine Elî derbarê avakirina rêxistina xwe de axivî û got: “Armanca vekirina vê rêxistinê ewe ku jin û ciwanên azadîxwaz di bin sîwana rêxistinê de kom bibin da ku her doz û pirsgirêkek jinan biparêzin û wê wekî malek duyemîn ji bo jinan bibînin, her wiha bi hev re, destên xwe bidin hev da ku çareseriyek ji bo pirsgirêkên jinan bibînin.”
Paşê Seroka Rêxistina Jinên Serbixwe Behar Mûnzîr axivî û wiha got; “Her çend gelek rêxistinên jinan û rêxistinên civaka sivîl çalak bin jî, em dixwazin li ser wekheviya berfireh a di navbera jin û mêran de bisekinin. Divê valahiya di pirsgirêkên jinan de bi xebata vê rêxistinê were dagirtin. Bi hêviya ku mêrên wekhevxwaz piştgiriyê bidin rêxistina serbixwe.”
