Li gorî Navenda Rêveberiya Afetê ya Srî Lankayê (DMC) ku roja Yekşemê daxuyaniyek da, ji ber felaketa bagerê herî kêm 159 kesan jiyana xwe ji dest dan, 203 kes jî winda bûn.
Li vî welatî nêzî 833 hezar kes ji cih û warê xwe bûn, her wiha 122 hezar kes jî li stargehên demkî dimînin. Li gorî rayedaran zêdeyî 20 hezar avahî bi temamî hilweşiyan.
Bagerê roja Şemiyê berê xwe dabe Hindistanê jî li paytext Kolombo û derdora wê ji ber barana zêde lehî rabû.
DMC’ê diyar kir ku herêmên nizm ên li peravê Çemê Kelani hîn di nava avê de ne û got, “Bagerê welat terikandibe jî barana zêde van herêman di nava avê de dihêle.”
Serokdewletê Srî Lankayê Anura Kumara Dissanayake ji bo rêvebirina krîzê doh rewşa awarte ragihand. Di vê çarçoveyê de artêş ji bo heremê hate veguhestin ku alîkariyê bi karê lêgerîn û rizgarkirinê bike.
Rayedaran gotin, hîn jî yek ji sê parên nifûsa welêt ji elektrîk û ava paqij bêpar e. Ev felaket li Srî Lankayê ji sala 2017’an û vir ve felaketa herî giran a xwezayî ye.
