Roja Sêşemê li Tîbetê ya herêma Hîmalaya ya li başûrê rojavayê Çînê erdhejek dijwar pêk hat û di encamê de herî kêm 53 kesan jiyana xwe ji dest dan û gelek avahî hilweşiyan. Erdhej li welatê cîran Nepalê jî hat hîskirin.
Li gorî ajansa erdhejê ya neteweyî ya Çînê (CENC), di saet 09:05’an de erdheja bi pileya 6,8 li bajarokê Dîngrî yê nêzî sînorê Çîn û Nepalê pêk hat. Navenda Lêkolînên Jeolojîk a DYE’yê (USGS) jî pileya erdhejê weke 7,1 eşkere kir.
Li gorî dîmenên ku ji aliyê televizyona dewletê ya Çînê CCTV’ê ve hatine weşandin, asta hilweşîna ku bi erdhejê re pêk hatî, nîşan dide.
Her wiha ajansa Nûçeyan a Çînê ya Nû got, “Di encama erdhejê de 53 kesan jiyana xwe ji dest dan, 62 kes jî birîndar bûn.”
Hîmalayayan li ser xeta fayê ya di navbera plakayên tektonîk ên Hînd û Avrasyayê de ye û bi awayekî pergalî rastî faeliyetên sîsmîk a bi rêk û pêk tên.
Di sala 2015’an de bi pileya 7.8 erd hejiya bû û di encamê de nêzî 9 hezar kes miribûn û bêhtirî 22 hezar kes birîndar bibûn û bêhtirî 500 hezar xanî hilweşiyabûn.
Li eyaleta Gansu ya bakurê rojavayê Çînê jî di Kanûna 2023’yan de erdhej pêk hatibû û di encamê de 148 kesan jiyana xwe ji dest dabûn û bi hezaran kes bê mal man.
