Meclisa Kongra Star a bajarê Til Temirê yê kantona Cizîrê bi boneya salvegera 33’yan şehadeta têkoşer Bêrîtan (Gulnaz Karataş) merasîma bîranînê li dar xist. Bîranîn li hola Kinêr a naverasta bajar bi amadebûna endamên Kongra Star, bi dehan nûnerên saziyên sivîl, partiyên siyasî û şêniyên bajar pêk hat
Piştî deqeya rêzgirtinê, ji rêveberên Meclisa Kongra Star a Til Temirê Senaa El Samir axivî û bal kişand ser jiyan û têkoşîna şehîd Bêrîtan û helwesta wê ya lehengane.
Senaa El Samir anî ziman ku ev çalakî ne bîranînek ji rêzê ye, lê belê nûkirina soza domandina têkoşîna şehîd Bêrîtan a avakirina civakeke demokratîk û mîsogerkirina mafên jinan e.
Senaa di dewama axaftina xwe de da zanîn ku çalakiya şehîd Bêrîtan di meşa têkoşînê ya jinên Kurd de bûye xaleke werçerxê û ev li gotinên xwe zêde kir: “Şehîd Bêrîtan bûye semboleke cîhanî ya jinên berxwedêr û ji nifşên bê re bû îlhama domandina têkoşînê li hemberî hemû cûreyên zulmê.”
Piştî axaftinan sînevîzyoneke li ser jiyan û têkoşîna şehîd Bêrîtan hat temaşekirin.
