Meclisa Malbatên Şehîdan a Tirbespiyê ji bo 77 şehîdên Tevgera Azadiya Kurdistanê, Hêzên Sûriyeya Demokratîk, Yekîneyên Parastina Gel (YPG), Yekîneyên Parastina jin (YPJ) ku di mehên Tebax, Îlon û Cotmehê de di dem û cihên cuda de şehîd bûne, merasîmeke bîranînê li dar xist.
Merasîm li hola Partiya Yekitiya Demokratîk (PYD) bi amadebûna malbatên şehîdan, nûnerên saziyên sivîl, partiyên siyasî û pêkhateyên cuda yên bajêr hat lidarxistin.
Merasîmê bi rêzgirtinê dest pê kir. Piştre hevserokê Desteya Malbatên Şehîd û Birîndarên Şer a Bakur û Rojhilatê Sûriyeyê Rêzan Gulo axivî û bal kişand ser rola girîng a şehîdan di parastina yekitiya axa Sûriyeyê û parastina pêkhateyên cihêreng ên herêmê de. Gulo got: “Îro em li ber qonaxek nû ne û divê em ji her demê bêtir bibin yek ji ber ku em ji bo avakirina Sûriyeyeke demokratîk û nenavendî dixebitin û şehîdên me ji bo wê armancê canê xwe feda kirine.”
Gulo wiha dewam kir: “Em ê li ser rêya şehîdan berdewam bikin da ku armanc û xeyalên wan pêk bînin, em ê destkeftiyên gelê xwe bi çi bedelê be jî biparêzin.”
Merasîm bi pêşandana sînevîzyona wêneyên 77 şehîdan bi dawî bû.
