Alîkarê Berdevkê Neteweyên Yekbûyî Farhan Haq diyar kir ku 10 xebatkarên Neteweyên Yekbûyî ji aliyê Hûsiyan ve hatin binçavkirin. Hate ragihandin ku temamiya kesên hatin binçavkirin welatiyên Yemenê ne. Bi binçavkiriyên dawî re li Yemenê hejmara personelên Neteweyên Yekbûyî yên hatin girtin bû 69 kes.
Hûsî di salên dawî de gelek xebatkarên NY û wezîfedarên alîkariya mirovî bi sîxuriya ji bo Dewletên Yekbûyî yên Emerîka û Îsraîlê sûcdar dikin. NY van sûcdariyan red dike.
