7’emîn Mihrîcana Şehîd Yekta Herekol a Şanoyê bi pêşengiya Tevgera Çand û Hunera Demokratîk a Mezopotamyayê û Komîna Şanoyê, bi dirûşma “Welatparêzê rasteqîn hunermendekî wêrek e” hat destpê kirin di roja xwe ya duyemîn de berdewam dike.
Di çarçoveya Mihrîcana Şehîd Yekta Herekol de, îro ji aliyê komên Qamişlo û Siwêdayê 2 şanoyên bi navê “Parenoya” û “Îcar” hatin pêşkêşkirin. Di şanoyan de bal kişandin bi ser bandora fikra civakê li ser ciwanan û dayikên ku her dem daxwaza aştiyê dikin.
Di navbera her du şanoyan de ji aliyê mamosteyê beşa Şanoyê Ehmed Mekaratî ve bi sernavê “Sînografiya” semînerek hate dayîn.
Mihrîcan wê di 11`ê Nîsanê de bi diyarkirina komên serkeftî bi dawî dibe.
