Komîteya Navendî ya Partiya Marksîat Lenînîst Komunîst (MLKP) bi wesîleya Cejna Newrozê peyamek weşand banga ‘’mezinkirina têkoşîna gelan ya yekbûyî’’ kir.
Naveroka peyama MLKP’ê bi vî rengî ye:
‘’Em Newroza sala 2025’an li gel pêvajoyeke dîrokî pêşwazî dikin. PKK hewl dide ku li gel dewleta Tirk a ku girêdayî geşedanên li herêmê tengav bûye, peymana aşitiyê îmza bike. Tevî ku PKK’ê agirbest îlan kiriye jî dewleta Tirk şerê dagirkeriyê didomîne, di serî de balafirên bombebarandinê yên giran bi hemû teknîk û derfetên xwe yên leşkerî êrîş dike. Her wiha êrîşên xwe yên li ser civakê jî bê navber didomîne.
Girêdayî tecrûbeyên gelê me yên dîrokî ku digotin; ‘’Li gel Osmaniyan deq û dolab pir in’’ divê em hişyar bin, yekîtî, birêxistinbûn û têkoşînê mezin bikin û rewabûna mafê xweparastinê biparêzin.
Divê em hemû berê xwe bidin qadên Newrozê û daxwaz û şîarên; Bila dewleta Tirk tavilê li Bakurê Kurdistanê û Tirkiyeyê agirbestê îlan bike; Abdullah Ocalan û girtiyên siyasî werin berdan; êrîşên dagirkeriyê bide sekinandin; dagirkeriya Rojava û Başûr bide sekinandin; hebûna neteweyî ya gelê Kurd û mafê perwerdeya zimanê zikmakî girêdayî Qanûna Bingehîn nas bike; mafê xweseriya demokratîk nas bike; bila qanûnên faşîst û nijadperest ên di bin navê têkoşîna li hemberî terorê de bi rê ve dibe, ji merîyetê rake, dengê xwe bilind bikin.
Weke gelên li herêmê werin em li Kurdistan, Tirkiye, Sûriye, Iraq û Îranê li hemberî înkar, dagirkerî, nijadperestî, rejîmên faşîst, rêveberiyên Îslamîst ên şovenîst, serweriya mêran û xizaniyê bibin yek dil û yek deng; ala azadiyê û têkoşîna gelan a yekbûyî bilind bikin.’’
