Di daxuyaniya Meclîsa Jinan a DEM Partiyê de hate gotin, “Yên ku bi sorkirina nijadperestî, zayendîperestî û neteweperestiyê êrîşî siyaseta me ya jinê dikin bila baş zanibin; Jin wê dest ji kombûna li dora pêvajoya Aştî û Civaka Demokratîk bernedin.
Di demekê de ku hêviya aştiyê ya jinan û gelan zêde bûye, tesadufî nîne ku bi gotinên faşîst êrîş li ser siyasetmedarên me yên jin têne kirin. Yên ku xwe ji siyaseta şer xwedî dikin û bi îdeolojiyên faşîst ên serweriya mêr êrîşî daxwaza aştiyê ya gelan û jinan dikin, ew hêz in ku hewl didin gelan berdin hev û rantê ji şer werbigirin.
Ji ber vê yekê bi destê rêveberên siyaseta serweriya mêr a faşîst axaftinên siyasetmedarên jin ên li ser aştiyê berevajî dikin û hevrêyên me dikin hedef. Bi zimanê nijadperestiyê meşandina operasyonên xapandinê, sûcekî li dijî civakê bi taybetî jî li dijî jiann e.
Em li hemberî van êrîşên li ser hêviya aştiyê ya civakê û jinan bêdeng neman, em ê bêdeng nemînin. Em ê li her devera ku lê ne têkoşîna xwe ya li dijî faşîzmê mezin bikin û israra xwe ya di aştiyê de dewam bikin.
Ne faşîzm, lê têkoşîna aştiyê ya jinan wê bi ser bikeve.”
