Li gorî nûçeya Reutersê Volker Turk li ser komkujiyên Elewiyên li Sûriyeyê got, “Divê demildest qetilkirina sivîlên li Sûriyeyê were rawestandin.”
Volker Turk wiha berdewam kir: “Raporên pir metirsîdar ên li ser qetilkirina malbatên ku di nava wan de jin, zarok û kesên neşerker hene, tên.”
Komîseriya Bilind a Mafên Mirovan a Neteweyên Yekbûyî got, “Herwiha raporên qetilkirinên mezhebî yên bê darazî jî hene.”Pêwîst e lêkolînên bilez, zelal û bêalî li ser van hemû qetilkirin û binpêkirinan bê destpêkirin û hesap ji berpirsiyaran bên pirsîn.”
ELMANYA: RÊ LI BER ÊRÎŞAN BIGIRIN
Hikûmeta Elmanyayê qetilkriina zêdetirî 1000 kesên ku piraniya wan sivîl in weke “şokê” pênase kir.
Di daxuyaniyeka Wezareta Karên Derve de wiha hat gotin, “Hikûmeta demkî divê rê li ber êrîşan bigire, lêkolînan bike û hesab ji berpirsyaran bipirse.”
Wezaretê got, “Em bang li hemû aliyan dikin ku dawî li tundiyê bînin.”
