Li gorî rapora Ofîsa Koordînasyona Alîkariya Mirovî ya Neteweyên Yekbûyî (OCHA) ya roja Duşemê, di du mehên destpêkê yên sala 2025’an de zêdetirî 44 hezar welatiyên Filîstînê ji cih û warên xwe hatine kirin.
OCHA’yê li ser medyaya dijîtal X’ê got: ‘’Komên alîkariyê hewl didin rê li pêşiya vê yekê bigirin, lê belê em ê nehêlin Şerîaya Rojava veguhere Xezeyê.’’
Li gorî daneyan bi tenê di mehên Çile û Sibatê de 44.285 welatiyên Filîstînê ji ber sedemên cuda ji cih û warên xwe hatine kirin. Nêzîkî 38.710 kes piştî operasyonên artêşa Îsraîlê yên li ser herêmên Cenin û Tulkarem ên bakurê Şerîaya Rojava neçar mane ku cih û warên xwe biterikînin.
Her wiha di raporê de hate diyarkirin ku 2.765 kes jî ji ber hilweşîna xaniyên xwe û 837 kes jî ji ber tundî û qedexeyan cih û warên xwe terikandine.
Li gorî ajansa nûçeyan Wafayê û çavkaniyên xwecihî ji şeva Yekşemê ve ye li seranserê Şerîaya Rojava gelek serdegirtinên malan pêk hatine û gelek kes hatine binçavkirin.
