Endama Şandeya Îmraliyê ya Partiya Wekhevî û Demokrasiyê ya Gelan (DEM Partî) Pervîn Buldan têkildarî geşedanên dawî beşdarî bernameya “Gundem” a Medya Haber TV bû. Buldan derbarê hevdîtina 3’yê Cotmehê ya bi Rêber Apo re kirin de agahî da.
Pervîn Buldan got, “Em wek şandeyek çûn. Birêz Ocalan pir çalak, bi moral û bi xwe bawer bû. Me hevdîtinek dirêj û berhemdar kir. Me Ocalanek bi tendurist, bi biryar û bi coş dît.”
Buldan anî ziman ku wan bi girtiyên din ên li Îmraliyê re jî hevdîtinek kurt pêk anîne û wiha domand: “Hevalê Hamîlî emeliyateke biçûk derbas kiribû, lê dema ku bihîst em li wir in tevlî hevdîtinê bû. Tenduristiya girtiyên din baş bû. Di şertên birêz Ocalan de hîn jî ti guhertin çênebûye.”
‘HER ÇIQASÎ HÊDÎ BE JÎ PEDAL DIZÎVIRE’
Buldan di nirxandina pêvajoyê de ev tişt anî ziman: “Îdiayên ku dibêjin pêvajo rawestiyaye ne rast in. Her çiqasî hêdî be jî pedal dizîvire. Tevî ku hêdî be jî, pêvajo berdewam dike. Baştirkirina şert û mercên xebatê yên birêz Ocalan pir girîng e. Dema ku şert û merc biguherin dikare rasterast beşdarî pêvajoya aştiyê bibe.”
‘DIVÊ HERDU ALÎ BI LEZGÎNÎ BI HEV RE GAVAN BAVÊJE’
Pervîn Buldan anî ziman ku Rêber Apo di hevdîtina dawî de got ku pêvajo di qonaxek krîtîk de ye û got, “Birêz Ocalan got ku divê gavên girîng bi hev re werin avêtin. Bi girîngî binê wê xêz kir. Hişyariya ku ger bi hev re gav neyên avêtin, wê komên li dijî pêvajoyê xurt bibin, kir. Vê yekê timî dibêje. Nirxandina ku yên dixwazin vê pêvajoyê têk bibin û asteng bikin û heta mekanîka darbeyê dikare bikeve dewrê. Ez jî dixwazim bibêjim ku pêvajoyek ku divê dereng neyê xistin, bi lez divê bi hev re gav bên avêtin û ewqas giran rêveçûna vê pêvajoyê xetereye. Di hevdîtinên ku em dikin de vê yekê timî tîne ziman. Em şêweyê xebata Komîsyonê rexne dikin. Em her dibêjin divê gavên hiqûqî yên pêwîst bavêje û giraniya ji bo sererastkirina qanûnan jî ji ser xwe bavêje. Dibe ku di pêvajoyeke ku hesasiyeta dijberên pêvajoyê di ber çavan de derbas dikin û hesas nêzîk dibin de derbas dibin. Divê vana hemûyan di ber çavan de debas dikin û li gorî wê giran dimeşe, lê hem şert û mercên birêz Ocalan divê biguherin, hem pêvajoya Komîsyonê bi lez bibe û xebatên xwe bi dawî bike. Di heman demê de em ketine qonaxeke ku divê çarçoveya qanûnî û hiqûqî derkeve holê. Bêguman, civak van pêşketinan ji nêz ve dişopîne. Ji aliyekî ve pirsgirêka bê baweriyê heye û ji aliyê din ve jî beşek ji civakê heye ku rexneyên tund dike. Dibêjim ku divê her du alî gavên bilez û bi hev re bavêjin.”
“DIVÊ KOMÎSYON BI LEZGÎNÎ BIÇE ÎMRALIYÊ”
Pervin Buldan diyar kir ku komîsyona ku di çarçoveya pêvajoyê de li meclîsê hatiye avakirin, qonaxa guhdarîkirinê hema hema bi dawî kiriye û dibe ku hefteya bê bi guhdarîkirina jin û ciwanan re ev qonax bi temamî bi dawî bibe. Buldan agahî da ku komîsyon dê di berdewamiyê de dîsa Wezîrê Karên Derve û Serokê MÎT’ê Îbrahîm Kalin guhdar bike û wiha got: “Piştî vê yekê tê gotin ku qonaxa guhdarîkirinê dê bi dawî bibe. Em hêvî dikin ku piştî vê Komîsyon biçe Îmraliyê û bi Birêz Ocalan re hevdîtinê pêk bîne. Di vî warî de Birêz Ocalan jî xwedî hêviyeke mezin e. Di hevdîtina me ya dawî de jî wî careke din nirxandinên xwe li ser komîsyonê, erkên wê û çûyîna wê ya Îmraliyê parve kirin. Destnîşan kir ku komîsyona ku li Meclîsê hatiye avakirin gelekî girîng e. Bi rastî jî ew di çend civînên dawî de vê yekê bi awayekî domdar diyar dike. Ew xebatên Komîsyonê ji nêz ve dişopîne. Di her hevdîtinê de ji heyeta me bi taybetî di vî warî de agahî digire. Di hevdîtina dawî de wî got ku ew haydar e ku dem zû derbas dibe û got, ‘Divê komîsyon bi lezgînî biçe Îmraliyê.’ Birêz Ocalan daxwaz dike ku rîtma pêvajoya aştî û çareseriyê were bilindkirin. Diyar kir ku çûyîna Komîsyonê ya Îmraliyê dikare vê rîtmê bilez bike. Divê komîsyon piştî guhdarîkirinan bi Birêz Ocalan re hevdîtinê pêk bîne, Birêz Ocalan jî vê hêvî dike. Heya niha dîrokeke zelal tune. Em hêvî dikin ku piştî 1-2 hefteyan, piştî ku guhdarîkirin bi dawî bibin, heyeta ji 5 kesan pêk tê ya ji nav Komîsyonê biçe Îmraliyê.”
“PLAN EW E KU HEYETEKE JI 5 KESAN BIÇE”
Pervin Buldan derbarê endamên komîsyonê yên ku tê payîn ku biçin Îmraliyê de nirxandin kir û axaftina xwe wiha dom kir: “Plan ew e ku heyeta ji 5 kesan pêk tê, ku ji nûnerên partiyên xwedî kom biçe. Agahiya ku ji me re hatiye dayîn ev e. Li Meclîsê partiyên ku koma wan tune jî hene, ew jî di nav komîsyonê de cih digirin. Lê belê ka ji wan kesan dixwazin biçin hene an na, di vî warî de agahiyeke zelal tune. Lê ji ber ku nûnerên 5 partiyên siyasî yên xwedî kom hene, bêguman ji wan her yek kesek dê here. Ka ew ên ku komên wan tune dê biçin an na, ez dixwazim diyar bikim ku di vî warî de tiştekî zelal tune. Dibetiya çûyîna Birêz Numan Kurtulmuş a giravê tune. Tiştekî wiha neketiye rojevê. Birêz Ocalan jî ev yek diyar nekir. Tenê tê plan kirin ku heyeta ji 5 kesan pêk tê, ku ji endamên komîsyonê pêk tê, biçe.”
