Li Sêrtê girseya gel li ber avahiya DEM Partiyê li hev kom bû. Polîsan bi gavên îsotê û TOMA êriş bir ser gel. Li gel êrişê jî bi hezaran kes meşiyan û piştgirî dan berxwedana Rojava.
Parlamentera Sêrtê ya DEM Partiyê Sabahat Erdogan Saritaş li çalakiyê axivî û anî ziman ku Rojava ji bo gelê Kurd xwedî girîngieyke mezin e, lewma berxwedana li dijî êrişan wê dewam bike.
Li Dersimê li Kolana Hunerê daxuyaniyek hate dayin û hate ragihandin ku êriş bi taybetî li dijî jin û zarokan têne kirin.
Rêveber û parlamenterên DEM Partiyê tevlî çalakiyê bûn û diyar kirin ku êriş sûcê li dijî mirovahiyê ye û nerazîbûn ji polîtîkayên Tirkiyeyê re hate nîşandan.
Li Çewlîgê di meşê de pankarta bi nivîsa “Rojava nikare bê teslîmgirtin” hate hildan û di meşê de dirûşmên “Bijî berxwedana Rojava” û “Kurdistan wê ji faşîzmê re bibe goristan” hatin qîrîn. Li Qada Bajêr daxuyaniyek hate dayin û ji bo rawestandina êrişan bang hate kriin.
Li navçeya Bismil a Amedê jî li Qada Bajêr daxuyaniyek hate dayin û hate ragihandin ku êrişên li ser Rojava sûcê li dijî mirvoahiyê ye, gelê Kurd ê Rojava jî çepera berxwedan û rûmetê ye.
