Endama Konseya Rêveber a KCK’ê Sozdar Avesta di Newroza li Qendîlê de derket ser dikê, despêkê Cejna Newrozê li Rêber Apo, malbatên şehîdan û tevayî gelê Kurd pîroz kir. Piştre jî peyama Rêber Apo ya bi zaravayê Kurmancî xwend.
Sozdar Avesta, di despêkê de li ser navê Tevgera Azadiyê cejna Newrozê li Rêber Apo, malbatên şehîdan û gelê Kurd pîroz kir û got: “Di kesayeta Şehîd Mazlum Dogan, Alî Heydar Kaytan, Riza Alutn û Zekiye Alkan de em hemû şehîdên rêya azadiyê bibîrtînin û bejna xwe li ber wan ditewînin. Cejna azadî û yekitiya demokratîk pîroz be.”
Di dewamê de Sozdar Avesta got: “Îro heyecana me di asta herî bilind de ye û em li benda peyama Rêber Apo bûn û gihişt destê me. Me xwest em bi hemû dost û enternasyonalîstan re parve bikîn. Ya dikeve li ser milên me jî pratîkirina peyama Rêber Apo ye û Newroza bê em ê li gel Rêber Apo pîroz bikin.”
Piştre jî peyama Rêber Apo ya bi zaravayê Kurdmancî xwend û girseya gel jî bi dirûşmên “Bijî Serok Apo” pêşwazî li peyamê kirin.
Piştre jî Endamê Tevgera Azadiya Kurdistanê Serdar Star, jî peyama Rêber Apo ya bi zaravayê Soranî xwend.
