Cigirê Serokê Hikûmeta Dem Borî ya Herêma Kurdistanê Qubad Talebanî derbarê banga Rêber Apo de daxuyanî da.
Talebanî diyar kir ku gelê Kurd tim aştîxwaz bûye û weke rêya herî dawî ji bo parastina mafê xwe û hebûna xwe dest daye çekê.
Talebanî got: “Birêz Abdullah Ocalan careke din deriyê aştî û çareseriyeke aştiyane û demokratîk ya pirsgirêka Kurd li Tirkiyeyê vekir. Dest bi qonaxeke nû ya têkoşîna siyasî ya Kurdan li Tirkiyeyê kir. Hêvîdarin û daxwaz dikin ku vê carê ev pêvajo bi encameke bi dil ji bo gelê Kurd û Tirkiye dawî bibe, li ser bingehê bi hev re bijîn.
Erkê her kesê ye ku bi pêşwazî li peyama Birêz Ocalan bike û ji bo serxistina pêvajoyê hevkar bin.”
