Duh (27’ê Sibata 2025’an) Rêber Apo ji bo ‘fesihkirina PKK’ê’ bangekî kir. Çepemeniyên Erebî û navdewletî girîngîyeke mezin dan vê bangê. Di gelek malper û sîteyên navdewletî yên fermî de ev bang bû manşet. Banga Rêber Apo bandora xwe li ser Tirkiyeyê tenê nake, bandora xwe li ser hemû gelên aşîtîxwaz û hemû gelên Rojhilata Navîn dike.
Rêber Apo di daxuyaniya xwe ya ku ji aliyê heyeta DEM Partî ve hate xwendin de, ji bo çek danîn û fesihkirina PKK’ê banga lidar xistina kongreyekê kir.
‘DERFETEK ZÊRÎN’
Qanala Sky News Erebiye bi berfirehî banga Rêber Apo şopand û weke bangeke dîrokî di raporên xwe de analîz kir. Sky News bi sernavê ‘Defretek zêrîn… Tirkiye li benda banga dîrokî ya Ocalan e’ daxuyanî şopand.
Di heman demê de qenala El Erebîye ê ku girêdayî Siûdiyê ye, banga Rêber Apo yekser û kêlî bi kêlî dişopand û dida weşanê. Di nav weşana xwe de banga Rêber Apo ji bo Çekdayîn û fesihkirina PKK her wiha tekezîya vê kir ku Banga Partî aşîtîye.
Di Qenala El Reşîd a Iraqî de banga Rêber Apo di manşeta rupela qanalê ya fermî de cih girt.
Qenala El Cezîra ya girêdayî Qeterê jî, banga dîrokî ya Rêber Apo bi berfirehî nirxand. El- Cezîra beriya daxuyaniya dîrokî û piştî bangê jî, gelek nêrîn û daxuyanî derbarê banga dîrokî ji siyasetmedar û analîzkaran girt û weşand.nêrînên gelek analîzkar û sîyasetmedaran di weşana xwe de da. Her wiha hewaya vê daxûyanîya ji alîyê Kurdan û ji alîyê Tiriîyê de jî girt dest.
Malpera Elmanî ‘Deutsche Welle’ jî bi sernavê ‘Ocalan banga çekdanîn û fesihkirina PKK’ê kir’ daxuyaniya Rêber Apo bi gelek zimanan weşand û ev bang weke ‘gavek dîrokî’ pênase kir.
Qenala Euro News jî di nûçeyên xwe de girîngiyeke mezin da banga Rêber Apo.
‘BANDORA WÊ SÎNORAN DERBAS DIKE’
Çepemeniya Emerîkî jî girîngîyeke mezin da banga Rêber Apo. Rojnameya The New York Times a Emerîkî derbarê daxuyaniyê de ev tişt got, ‘Nameya ku Birêz Ocalan daye, rê li ber pêvçûnan digire’.
Banga Rêber Apo di medyaya dîjîtal a Îngilistanê de de jî cihekî girîng girtiye. Rojnameya Guardian got, daxuyaniya Rêber Apo wê Tirkiye û Rojhilata Navîn ‘bihejîne’ û bandora wê sînoran desbas dike.
Her wiha Ajansa Reuters’ê jî gavên ku divê dewleta Tirk li hember vê bangê bavêje anî ziman, ji warê leşkerî û ewlehî bigire û heta civakî bang ji her alî ve nirxand. Ajansê diyar kir ku ev bang wê bandoreke aborî jî li Bakurê Kurdistanê û herêmê ava bike.
