Rêxistina Efûyê ya Navneteweyî, 15 şîrketên mezin bi beşdarbûna di operasyonên leşkerî û kiryarên neqanûnî yên Îsraîlê de hedef nîşan da. Rêxistina Efûyê, diyar kir ku şîrketên mîna Boeing û Palantir a Emerîka û Hikvision a Çînê roleke rasterast lîstine.
Di heman demê de, ragihand ku şîrketên mîna CAF a Spanya û HD Hyundai ya Başûrê Koreyê bi wesayîtên giran ên kar roleke girîng di hilweşandina xanî û binesaziyê ya Filîstiniyan de lîstine.
Ev rapor piştî ku zêdetirî 80 rêxistinan vê dawiyê bang li Îsraîlê kirin ku bazirganiya xwe bi wargehên neqanûnî re rawestîne, hate weşandin.
Di heman hefteyê de, Komîsyona Lêpirsînê ya Neteweyên Yekbûyî cara yekem Îsraîlê bi pêkanîna ‘qirkirinê’ li Xezeyê sûcdar kir.
