Sekreterê Giştî yê Partiya Aîdiyeta Demokratîk a Sûriyeyê ya li Siwêdayê Rica ed- Damaksî roportajeke taybet da serwîsa Erebî ya ANF’ê û di roportaja xwe de têkildarî rola dewleta Tirk a di êrîşên li ser Bakur û Rojhilatê Sûriyeyê de axivî. Rica ed-Damaksî diyar kir ku dewleta Tirk di wêraniya li herêmê, nearamî û êrîşên komên çeteyên çekdar de ‘’aktorê sereke ye’’ û da zanîn ku armanca sereke ya Enqereyê ‘’jiholêrakirina avaniya demokratîk a li Sûriyeyê ye.’’
Damaksî piştre anî ziman ku dewleta Tirk bes ne li Bakur û Rojhilatê Sûriyeyê di heman demê de di belavbûna zirar, tundî û bizavên radîkal ên li herêmên din de jî rol dilîze. Damaksî destnîşan kir ku armanca van polîtîkayan tunekirina binesaziya nirxên demokratîk ên civaka Sûriyeyê ye û got ku Enqere bandora xwe ya li ser Sûriyeyê bi kar tîne û ‘’projeya Îsraîlê jî di nav de hewl dide di di nava projeyên herêmî de hêmana beranberiyê biafirîne.’’
‘TIRKIYEYÊ DI DERXISTINA ÇETEYÊN DAÎŞÎ YA JI GIRTÎGEHÊ DE ROL LÎST’
Damaksî di dewama axaftina xwe de anî ziman ku Tirkiyeyê di derxistina çeteyên DAÎŞ’î ya ji girtîgehên di bin kontrola Hêzên Sûriyeya Demokratîk (QSD) de roleke girîng lîstiye, got ku Tirkiye rê dide komên çeteyên çekdarî yên weke ‘’Emşat’’ û ‘’Hemzat’’ û ev komên çeteyan ji bo sepandina polîtîkayên Enqereyê weke amûrekê tên bikaranîn.
‘GELÊ KURD PERÇEYEKÎ SEREKE YÊ VÎ WELATÎ YE’
Rica ed-Damaksî da zanîn ku gelê Kurd ne biyaniyê Sûriyeyê ye, perçeyekî girîng ê Sûriyeyê û got: ‘’Di rastiyê de yên biyanî, ew kes in ku li dijî hemû Sûriyeyîyan şer dikin û di çarçoveya projeya wêraniyê de gelê Kurd hedef digirin.’’
Damaksî di dewama axaftina xwe de anî ziman ku êrîşên komên çeteyên çekdarî li dijî hiqûqa navnteteweyî ne û li hemberî îdîaya Tirkiyeyê ya ‘’parastina sivîlan’’ pirsa; Kîjan welatiyên sivîl parastine?’’ kir û diyar kir ku têkildarî vê yekê tu delîlek jî tune ye û ev gotin ji bo rewakirina sûcan nimayîşên sexte ne. Rica ed-Damaksî da zanîn ku rastiya li qadê weke ‘’sepanên hovane ên gurên har in.’’
Rica ed-Damaksî piştre nerazîbûnên xwe nîşanî rêveberiya Şamê ya çeteyan jî da anî ziman ku ew wê weke êrîşeke xaricî ya li ser fikra Sûriyeyê dibîne û got ku ew nûnertiya îradeya rastîn a geş nake û ew weke ‘’zihniteyeke ne misilman a weke DAÎŞ’ê’’ ya wêranî û zirarê belav dike û dûrîmirovahiyê pênase kir.
KOBANÊ WÊ HEYA DAWIYÊ LI BER XWE BIDE
Damaksî têkildarî mijara koçberkirina bi darê zorê jî got ku her çend hêza dewleta Tirk a koçberkirina hemû gel Kurd hebe jî ew ê vê yekê bêyî teredut bike. Damaksî destnîşan kir ku dewleta Tirk hewl dide Kobanê ji Hesekê veqetîne, lê belê wê di vê yekê de bi ser nekeve û got ku Enqere hewl dide armanc dike ku Kobanê bi xakên xwe ve girê bide lê belê ev yek ‘’armanceke nepêkan e.’’ Damaksî bi bîr xist ku gelê Kobanê tevahiya dîrokê li hemberî projeyên dewleta Tirk bi tena serê xwe kariye têbikoşe.
Rica ed-Damaksî anî ziman ku qonaxa heyî jî ‘’hewleke eşkere ya têkildarî serîtewandina gelê Kobanê ye.’’ Polîtîkaya dewleta Tirk ‘’feraseteke belavbûnê ya ji Osmaniyan maye’’ pênas kir.
Rica ed-Damaksî di dawiya axaftina xwe de got ku çawa ku Kobanê beriya niha bi ser ket wê roja îroyîn jî ser bikeve û got: ‘’Dîrok wê têkçûna Tirkiyeyê ya li ser sînorên Kobanê tomar bike.’’
