Ji bo pîrozkirina 4’ê Nîsanê rojbûna Rêber Apo, bi hezaran kes ji kantona Firatê li Qada Jin a Azad a Kobanê li hev kom bûn.
Girseya gel destpêkê bi konvoyeke ji wesayitan serdana mala li gundê Elpelûrê kir ku Rêber Apo serdana wê kiribû û piştre jî berê xwe da Qada Şehîd Egîd a Kobanê ku şahî lê bê lidarxistin.
Çalakiyê bi deqeyeke rêzgirtinê ji bo bîranîna şehîdan destpê kir.
Piştre endama Koordînasyona Kongra Star a Kantona Firatê Şevîn Armanc 4’ê Nîsanê li Rêber Apo û dayîk, bav, zarok, bira û xwişkên şehîdan û li tevahî mirovahiyê pîroz kir.
Şevîn Armanc diyar kir ku bi keda Rêber Apo jin û gel azad bûn û wiha pê de çû: “Em bi saya Rêber Apo gihiştin vê astê. Azadî nêz e. Em ê azadiya Rêbertî misoger bikin. Mizginiya ku Rêber Apo dabû me ji bo tevahî gelan bû. Em çiqasî têkoşîna xwe xurt bikin, ewqasî jî em ê karibin azadiya fîzîkî ya Rêber Apo pêk bînin.”
Şevîn Armanc di dawiya axaftina xwe de got: “Jina Kurd her tim di jiyana xwe de têkoşiya kir û bû mînaka tevahî cîhanê. Em bi felesegeya Rêber Apo gihiştine vê astê, divê em her tim têkoşîn û berxwedana xwe xurtir bikin da ku em azadiya fîzîkî ya Rêber Apo misoger bikin.”
Endama Koordînasyona Konra Star a Kantona Firatê Peyman Elûş daxuyaniya YPJ’ê xwend got, “Roja 4’ê Nîsanê rojbûna Rêber Apo û damezrandina YPJ’ê ye, ku weke rojbûna jiyan û civakeke nû û azadiya jin û civaka demokratîk e.”
Piştî xwedina nameya YPJ’ê gelek komên muzîkê stran gotin û girseya gel govend gerand.
Şahiyê bi dirûşmên “Bijî Serok Apo”,”Bê Serok Jiyan nabe”, “Jin jiyan azadî”, “Berxwedan jiyan e” dewam kir.
