Bûyerên piştî banga dîrokî ya Rêber Apo ya 27’ê Sibatê wê bêne şopandin.
Rojnamevan Ferda Çetîn anî ziman ku bi destwerdana Rêber Apo re argumana ‘terorê’ ya li hemberî Kurdan tê bikaranîn pûç bûye û got, eger pêvajo bi rê ve biçe wê rantxurên şer tasfiye bibin, naxwe wê şer jinûve giran bibe.
Koordînasyona KJK’ê çalakiyên 8’ê Adarê silav kir û diyar kir ku jinên qîmet û wateyê didin jiyanê, azadiyê, xwe û yên din wê cîhanê rizgar bikin, azad bikin, ronî bikin û bedew bikin.
Parlamenterê DEM Partiyê Celal Firat anî ziman ku rayedarên desthilatdariyê bi gotina ‘Bermahiyên Esad’ hewl didin komkujiyên HTŞ’ê yên li hemberî Elewiyan rewa bikin û got, “Eger zilm dewam bike, em ê biçin ber qesrê.”
Hevserokê DÎK’ê Mihemed Xerzî destnîşan kir ku HTŞ a ketiye şûna Baasê mejiyê dagirkerî û kuştinê dewam dike, bal kişand ser komkujiyên li hemberî Elewiyan û got, “Eger bi vî rengî dewam bike wê Sûriye parçe bibe.”
