Di parvekirineke ku li ser rûpela Facebookê ya fermî ya Serokkomar hatî kirin de hate ragihandin ku zagona têkoşîna li dijî feminîsîdê hate pejirandin.
Di parvekirinê de tê diyarkirin ku li welat bûyerên tundiya li dijî jinan an tên paşguhkirin an jî bi awayekî têrker nayên destgirtin. Zagona nû, erkên dewletê yên parastina jin û zarokan vediguherîne mekanîzmayên zagonî yên şênber. Li gorî belgeyê, feminîsîd sizayê girtîgehê yê ji 15 heta 25 salan an jî girtîgeha heta hetayê hewce dike.
Ev cure sûc berê di zagonên Romanyayê de wekî “kuştina hovane” dihatin pênasekirin, lê êdî ev têgeh bi awayekî zagonî wekî şêweyekî tundiya li ser bingeha zayendî hate pênasekirin.
Pêdiviya bi tevdîrên tundtir, bi zêdebûna tundiya nav malê hate ravekirin. Li gorî statîstîkên fermî, di heşt mehên destpêkê yên sala 2025an de li welat 33 kuştinên ku ji aliyê endamên malbatê ve hatine kirin hatin tomarkirin û di %69ê bûyeran de jin bûn qurbanî. Hat ragihandin ku li Romanyayê her meh bi navînî sê jin ji aliyê xizmên xwe ve tên kuştin.
Pêşniyaryasa di Cotmeha 2025an de pêşkêşî parlamentoyê hat kirin û piştgiriyeke berfireh dît: Zêdetirî 270 parlamenterên ji hemû partiyên siyasî ew îmze kirin.
Piştgirên vê însiyatîfê diyar dikin ku ev belge, amûrên zêde dide hêzên ewlehiyê da ku berî tundiya nav malê bibe sedema encamên trajîk, destwerdanê bikin.
Romanya, tevî Îtalya, Xirvatistan, Qibris, Malta û Belçîkayê bû yek ji wan welatên Ewropayê ku têgeha “feminîsîd” di zagonên wan de cih digire.
Berê parêzeran eşkere kiribûn ku çima dibe ku qurbaniyên tundiya nav malê ji ber parastina rewa bên sizakirin.
