Dîrektorê Giştî yê RTC’ê Tedros Adhanom Ghebreyesus li ser X’ê daxuyanî da û ragihand ku ji Tîrmeha 2024’an heya dawiya Mijdara 2025’an li Xezeyê herî kêm 1.092 kesên ku li benda tahliyeya tibî bûn, jiyana xwe ji dest dan.
Ghebreyesus diyar kir ku ev hejmar xwe dispêre daneyên Wezareta Tenduristiyê ya Xezeyê.
Adhanom Ghebreyesus got, ji Cotmeha 2023’yan û vir ve RTC û hevkarên wê ji Xezeyê zêdeyî 10.600 nexweş tahliye kirine, ji vane zêdeyî 5.600 zarok bûn û destnîşan kir ku lê hîna tahliye gelek bi sînordar in.
RTC bang li hîn zêdetir welatan kir ku ji Xezeyê nexweşan qebûl bikin û daxwaz kir ku tahliyeyên ji bo Şerîaya Rojava û Rojhilatê Kudusê jinûve bên destpêkirin. RTC’ê ev hişyarî da: “Jiyana mirovan girêdayî vê yekê ye.”
Beriya çend hefteyan RTC’ê ragihandibû ku zêdeyî 16.500 Xezeyî li benda tahliyeya tibî ya lezgîn bûn.
Bijîjkên Sînornenas (Médecins Sans Frontières-MSF) diyar dike ku ev hejmar tenê nexweşên di qeydên fermî de nîşan dide, hejmara rast hîn zêdetir e.
Heya niha zêdeyî 30 welatan ji Xezeyê nexweş qebûl kirine.
