Lihevkirin bi amadebûna serokkomarê demkî Ahmed el-Şara û nûnerê taybet ê Sûriyeyê yê Dewletên Yekbûyî yên Emerîkayê (DYE) Thomas Barrack li qesra serokatiyayê ya li Şamê hate îmzekirin.
Li gorî rayedarêm Şamê proje hilberîna ceyranê ya 5.000 megavatî pêşbînî dike ku ev yek jî tê wateya dabînkirina hewcehiya ceyranê ya ji sedî 50’yî.
BANGA ‘PEYMANA ÊRÎŞNEKIRINÊ’ YA LI GEL ÎSRAÎLÊ
Her wiha nûnerê taybet ê Sûriyeyê yê DYE’yê Thomas Barrack ji Şamê daxwaz kir ku li gel Îsraîlê “peymaneke êrîşnekirinê” îmze bike.
Dîplomatê DYE’yî li ser kanala Al-Arabiya ya Erebistana Siûdî daxuyaniyek da got: “Pirsgirêka di navbera Sûriye û Îsraîlê de dikare bê çareserkirin û ev yek wê bi diyalogekê dest pê bike.”
Her wiha hêjayî bibîrxistinê ye ku Thomas Barrack roja Pênçşemê balyozxaneya DYE’yê ya li Şamê jî vekir ku balyozxane zêdetirî deh salan bû girtî bû. Thomas Barrack di vekirinê de got: “Divê em bes bi peymaneke êrîşnekirinê dest pê bikin.”
