Parlamentera Partiya Wekhevî û Demokrasiyê ya Gelan (DEM Partî) Pervîn Buldan, Parlameneterê Rihayê Mîthat Sancar û parêzerê Buroya Hiqûqê ya Asrinê Faîk Ozgur Erol ku di Şandeya Îmraliyê ya DEM Partiyê de cih digirin, hevdîtin bi Rêber Apo re kirin. Şande ji Îmraliyê vegeriya.
Şandeya Îmraliyê ya ku Sirri Sureyya Onder û Pervîn Bûldan tê de cih digirtin, cara ewil di 28’ê Kanûna 2024’an de bi Rêber Apo re hevdîtin kirin. Hevdîtina duyemîn a şandeyê jî di 22’ê Çileyê de pêk hat. Bi endamên Şandeya Îmraliyê Sirri Sureyya Onder û Pervîn Bûldan re Hevserokên Giştî yên DEM Partiyê Tûncer Bakirhan û Tulay Hatîmogûllari, siyasetmedar Ahmet Turk, Parlementerê DEM Partiyê Cengîz Çîçek û parêzerê Buroya Hiqûqê ya Asrinê Faîk Ozgur Erol bi Rêber Apo re hevdîtinê kirin. Rêber Apo di vê hevdîtinê de Banga Aştî û Civaka Demokratîk kiribû.
Piştî ku Sirri Sureyya Onder krîza dil derbas kir, di 21’ê Nîsanê de ku tedawiya wî dewam dikir, Pervîn Bûldan û Faîk Ozgur Erol wekî Şandeya Îmraliyê bi Rêber Apo re hevdîtinê kirin. Ji Şandeya Îmraliyê Pervîn Bûldan û Faîk Erdol piştî kongreya dîrokî ya PKK’ê ku di 5-7’ê Gulanê de pêk hat, di 18’ê Gulanê de bi Rêber Apo re hevdîtineke nû pêk anîn.
Bi Pervîn Bûldan û Faîk Ozgur Erol re Parlementerê DEM Partî yê Rihayê Mîthat Sancar di 6’ê Tîrmehê de çûn Giravê û hevdîtinê bi Rêber Apo re kirin. Şandeya Îmraliyê herî dawî di 25’ê Tîrmehê de çûbû giravê û hevdîtin pêk anîbû.
