Şax ê Civaka Îslamî ya Kurdistanê (CÎK) a Wargeha Penaberan ya Şehîd Rustem Cûdî (Mexmûr) bi daxuyaniyekî êrişên li ser Rojavayê Kurdistanê şermezar kir û bang li hemû misilmanan kir da ku berê xwe bidin Rojava. Daxuyanî piştî nimêja înê li mizgefta semta 3 ji aliyê Mele Şirîn Çetîn ve hat dayîn.
Di daxuyaniyê de hate diyarkirin ku li ser gelê Kurd qirkirinek bê hempa heye û wiha hate ragihandin: “Niha jî gelê Kurd li her aliyê cîhanê rabune ser piyan û xwedî li Kurdên Rojava derdikevin. Gelê Kurd daketine kolanan. Xeteriyên mezin li ser Kurdên me hene. Divê em bêdeng nemînin. Xwedî li mezluman derketin ferze. Kesên ku qetilkirinên Îmamê Hisên helal kirî û kesên ku enfala Helebçe rewa kirîn û yên niha dixwazin li Rojava qetlîaman pêkbînin hemanin. Parastina rumeta xwe di Îslamiyetê de ferze.
Gelê ku niha ji bo parastina Rojava berê xwe didin şer, cîhada ku Rêbertî ferzkiriye. Em bang dikin, divê hemu cîhan û civak xwedî li Rojava derbikevin. Rojava rumeta tevahî gelan parast, Rojava pêşiya bi milyonan qetlîaman girt. Dem dema xwedî li Rojava derketiyê ye.”
Herî dawî diruşmeya ‘Bijî Berxwedana Rojava’ hat berzkirin.
