Piştî bûyerên şeva borî li navçeya Pirdê ya parêzgeha Kerkûkê, ku bûn sedema aloziyan û li gorî çavkaniyên herêmî alîgirên Eniya Tirkmenan bûne sedema bûyerê, pirsgirêk û alozî derxistin.
Li gorî şahidên bûyerê, alîgirên Eniya Tirkmenî bi karwana xwe yê kampanyaya hilbijartinê çûn Taxa Kurdistanê, ku taxeke Kurdan ya navçeya Pirdê ye û li wir heqaret li ciwanên Kurd yên taxê kirin.
Piştî bûyerên şeva borî, Serokê Lîsteya Eniya Tirkmen ya hilbijartinên Parlamentoya Iraqê ya Erşed Salihî ku bi dijmintiya xwe ya bi Kurdan re tê zanîn, di peyameke vîdyoyî de ku li ser rûpela xwe ya Facebookê hatiye belavkirin, ciwanên Kurd yên navçeya Pirdê hedef girt.
Di vîdyoyê de, Serokê Lîsteya Eniya Tirkmenî dibêje: “Kes berpirsiyariya kesên ku bi alîgirên me re rûbirû mane nagire ser xwe û min bi berpirsên payebilind yên YNK û PDK’ê yên Kerkukê re têkilî danî û wan xwe ji van kesan bêpar kirin.”
Erşed Salihî ciwanên Kurd bi van gotinan kir hedef: “Ez pir bi wêrekî îtîraf dikim ku ew kesane alîgirê mini n. Wêrek bin û qebûl bikin ku ew kesên ku êrîşî me jî kirin alîgirên we ne. Ger ew ne alîgirên we bin, wê hingê ew terorîst û têkderin.”
Ev bûyer di demekê ku alîgirên Eniya Tirkmenî duh li kolanên Kerkûkê ala Tirkiyê bilind kirin de çêbû. Duh, Erşed Salihî di dema kampanyaya hilbijartinê de bi berdewamî got ku “Kerkûk Tirkiye ye û bajarekî Tirkiyê ye.”
