Serokê Meclîsê Nûman Kûrtûlmûş piştî qebûlkirina Teklîfa Qanûna Budceyê ya Rêveberiya Navendî ya sala 2026’an a ji aliyê komîsyona Plan û Budceyê ve di dema hevdîtinên Desteya Giştî a Meclîsê de axivî.
Kûrtûlmûş bal kişand ser komîsyona têkildarî pirsgirêka Kurd hatiye avakirin û ev yek anîn ziman: ‘’Hemû rêxistinên civakî ên Tirkiyeyê, beşên cuda û mecraya akademiyê hatin guhdarkirin û pêvajoya guhdarkirinê hefteya borî bi dawî bû.’’
Nûman Kûrtûlmûş piştre bal kişand ser rapora ku tê payîn ji aliyêkomîsyonê ve were amadekirin û got: ‘’Hêviya min ew e ku di kurttirîn demê de ji bo vê pirsgirêkê û bilindkirina standartên demokrasiyê yên Tirkiyeyê perspektîfeke giştî amade bike û rapora xwe pêşkeşî Meclisê bike. Wê sererastkirinên ji vir û şûnde ku wê çawa werin kirin û bi çi awayî bin girêdayî rapora wê komîsyonê li gel xebata hevpar a partiyên di Meclîsê cih digirin, werin bidawîkirin.’’
Kûrtûlmûş di dewama axaftina xwe de diyar kir ku ev pêvajo bes ne qada erkê komîsyonê ye û ev yek anîn ziman: ‘’Ev projeyeke dewletê ye. Hemû saziyên dewletê ên eleqedar ji bo pêvajo bê qeza û bela were birêvebirin û ji bo bidestxistina encamê li gel koordînasyoneke bilind erk û berpirsiyariyên xwe bi cih tînin. Bi heman awayî di komîsyona me ya Meclîsê de weke egereke fonksiyoneke çavdêriyê ya demokratîk ya dikeve ser milên wê pêvajo bi awayekî serkeftî aniye vê qonaxê û ez hêvî dikim ku wê encam were bidestxistin û ev derfeta girîng wê bibe wesîleya serketinê. Dixwazim diyar bikim ku weke dîrokî berpirsyartiyeke dîrokî ya Meclisê heye û divê gavên din ên demokratîk werin avêtin. Beriya her tiştekî, hewcehiya Tirkiyeyê bi qanûneke bingehîn a sivîl, demokratîk û sivîl heye ku ev yek yek ji berpirsiyariya Meclîsê ye. Her wiha ji bo bilindkirina standartên demokratîk, Rêziknameya Meclisê, Qanûna Partiyên Siyasî, Qanûna Hilbijartinê jî ji nû ve bên nirxandin û encamek jê were girtin.”
