Rêxistina Erdexan a Partiya Wekhevî û Demokrasiyê ya Gelan a (DEM Partî) bi dirûşmeya “Em ji bo aştî û civaka demokratîk birêxistin dibin” Kongreya xwe ya 2’emîn a Asayî li dar xist.
Kongre li Salona Konferansê ya Wefqa Çand û Hunerê ya Dursun Akça ya li navenda bajêr hate lidarxistin. Parlamenterê DEM Partî yê Wanê Sezaî Temellî, nûnerên rêxistinên girseyî yên demokratîk û gelek welatî tevlî bûn. Kongre bi deqîqeyekî rêzgirtinê destpê kir. Pankartên ku têkoşîna aştî û demokrasiyê silav dike, li salonê hate daleqandin.
Sezaî Temellî ku di kongreyê de axivî, anî ziman ku çavkaniya bingehîn a krîzên pirakî yên li Tirkiyeyê, bê çareserî hiştina pirsgirêka Kurd û polîtîkayên tecrîdê yên dewam dikin e. Temellî anî ziman ku kedkar ji krîza aborî û belavkirina bêedalet a dahatê.
Temellî destnîşan kir ku li Tirkiyeyê sînorê birçîbûn û xizaniyê her roj zêdetir dibe û bilêv kir ku polîtîkayên aborî yên heyî aliyên sermayeyê dewlemend dike û kedkaran xizantir dike
‘XIZANIYA LI BAJARÊN KURD ENCAMA POLÎTÎKAYÊN BIZANEBÛN IN’
Temellî anî ziman ku polîtîkayên aboriyê yên li bajarên Kurdistanê tên pêkanîn, gel ber bi koçberî û xizaniyê ve dibe û da zanîn ku xizaniya li herêmê ne rasthatin e. Temellî got, “Ev polîtîkayeke bizanebûn e ku armanc dike Kurdan xizan bike û di bin tundiya aborî de bigre.”
‘DIVÊ ŞERT Û MERCÊN MUZAKEREYÊ YÊN AZAD BÊN PÊKANÎN’
Temellî destnîşan kir ku çareseriya krîzên siyasî û civakî yên li welat, ji pêvajoya muzakereya demokratîk derbas dibe û banga berdana girtiyên siyasî kir.
Temellî diyar kir ku Rêber Ao di pêvajoya çareseriyê ya dibe de muzakerevanê sereke ye û wiha got, “Ger hûn dixwazin krîza siyasî çareser bikin, dawî li girtinên siyasî bînin. Selahattîn Demîrtaş, Fîgen Yuksekdag, Leyla Guven û hevalên me yên din berdin. Em bi biryar in ku di vê rêyê de bimeşin. Silav ji birêz Ocalan re ku vê rêyê vekir. Her kes dizane ku hêvî jî çareserî jî li vir e. Weke ku hûn dizanin Birêz Ocalan sermuzakerevanê sereke ye. Lê, ma di bin sînordarkirinan de muzakere dibe? Bi du mehan carekî çûyîn re muzakere dibe? Muzakere bi têkiliya bi tendurist a hemû aliyan, şert û mercên xebatê yên tendurist û azad re dibe. Ji ber vê yekê divê tavile statuya birêz Ocalan were diyarkirin. Em wekî DEM Partiyê bi girêdanbûna vê nexşerêyê, ji bo pêkanîna vê muzakere û hevdîtinên xwe didomînin. Desthilatdarî divê tavile di vê mijarê de gavê biavêje.”
