Dewleta Tirk van rojên dawî dest bi binçavkirinan kir. Roja Sêşemê operasyonên ku navenda wê Amed bû herî kêm 25 kes hatin binçavkirin û roja Çarşemê jî li Îzmîrê serdegirtin çêbû.
Di serdegirtinan de nûçegihana rojnameya Mucadele Bîrlîgî Lutfiye Bûrcû Kara jî tê de 4 kes hatin binçavkirin.
Polîsan dest danîn ser amûrên wek computer û telefonan. Li kesên ku hatin binçavkirin 24 saet qedexeya hevdîtina bi parêzaran re hate danîn.
Polîsan di serdegirtinan de deriyê nûnertiya Mucadele Bîrlîgî şikandin û di hundir de lêgerîn kirin. Di lêgerînê de dest danîn ser arşîv û pirtûkan.
Hate diyarkirin ku binçavkirin di encama lêpirsîna ku bi hinceta şahidê veşartî de hatiye destpêkirin. Li gel vê hate gotin, di nav tewanbarkirinê de “belavok belavkirin, tevlî bîranîn û daxuyaniyên çapameniyê bûyîn û li ser dîwaran nivîs nivîsandin” hene.
