Meclisa Malbatên Şehîdan a bajarê Dirbêsiyê yê kantona Cizîrê merasîma cenaze ya şervanê QSD’ê Ciwan Rojava (Mesûd El Elo) ê ku 18’ê Çileyê di berxwedana li hemberî êrişên çeteyên hikumeta demkî de li Reqayê şehîd bûbû û ya endamê Hêzên Ewekariya Hundirîn şehîd Mihemed Kamil El Mamo ku 25’ê Çileyê li Qamişloyê di encama nexweşiyê de şehîd bûbû, li dar xist.
Merasîm bi beşdariya bi sedan kesî li Pakrewangeha Şehîd Rustem Cûdî ya gundê Berkevirê hat lidarxistin.
Merasîmê bi deqeyeke rêzgirtin dest pê kir. Piştre endamê Meclisa Leşkerî ya Amûdê Berxwedan Amûdê axivî û bal kişand ser rola şehîdan a parastina welat. Berxwedan Amûdê got: “Em li ser xeta şehîdan dimeşin. Em ji bo parastina gelê xwe berdêlan didin.”
Berxwedan Amûdê bal kişand ser êrişên çeteyan ên li ser Rojava û wiha domand: “Çete bi armanca dagirkirina Rojava û tunekirina gelê Kurd êriş dikin. Lewre divê her kes li hemberî van êrişan beşdarî berxwedanê bibe.”
Berxwedan Amûdê anî ziman ku Rojava ji bo wan xeta sor e û parastina wê dikin.
Piştre nasnameyên her du şehîdan hatin xwendin û radestî malbatên wan hatin kirin.
Cenazeyên şehîdan bi dirûşmên “Şehîd namirin” spartin axê.
