Di beşa Nûçeya Tirkî de ji Bir+Bir Express’ê Adem Ozgur bi nûçeya xwe ya bi sernavê “Rêwîtiya ber bi welatê xerîbiyê ve” hêjayî xelatê hate dîtin.
Ji Halk TV Cengîz Karagoz jî bi nûçeya xwe ya bi sernavê “Zarokên ku bi kurê qeymeqam re nîqaş kirin li qereqolê êşkence li wan hate kirin” hêjayî Xelata Taybet a Jûriyê hate dîtin.
Di beşa nûçeya Dîmen de ji Voys Media’yê Tûnca Ogreten û Mûrat Baykara bi nûçeya xwe ya bi sernavê “Li Welêt êşkence: Li ser şopa raporên lêdanê yên hatin veşartin” bi ser ketin.
Di beşa wêne de jûrî xelat da Zana Denîz, ji ber wêneyê wî yê li ser koçberiyê.
Di beşa karîkaturê de Nûrî Dogan bi berhema xwe ya bi navê “Ne qeder e” xelat wergirt. Xelata Taybet a Jûrî jî ji Mahmût Ûlûsan ê girtî re hate dayin.
Di beşa Nûçeya Kurdî de xelata îsal nehate dayin. Jûrî ragihand ku serlêdan hemû hêja ne.
Di beşa Nûçegihaniya Jinê de xelata yekemîniyê nehate dayin. Lê belê ji JINNEWS’ê Elfazî Toral bi nûçeya xwe ya bi sernavê “Têkoşîna Aştiyê ya kêlî bi kêlî” ya li ser têkoşîna Dayikên Aştiyê hêjayî Xelata Taybet a Jûrî hate dîtin.
