Endamê Buroya Siyasî ya YNK’ê Sedî Ehmed Pîre di derbarê avakirina hikumeta dehemîn a Herêma Kurdistanê de daxuyanî da çapemeniyê.
Sedî Ehmed Pîre got: “Heta niha YNK û PDK’ê li ser vekirina parlamentê û avakirina hikûmetê negihiştine lihevkirinê.”
Pîre diyar kir ku divê destpêkê YNK û PDK li ser çawaniya avabûna hikûmetê li hev bikin, piştre jî parlament bê aktîfkirin.
Hilbijartina parlamenta Herêma Kurdistanê roja 20’ê Cotmeha 2024’an pêkhat, lê heta niha hikûmet nehatiye avakirin.
Bi armanca avakirina hikumetê PDK û YNK 12 caran civiyane lê aliyan nekarîne li ser avakirina hikûmetê li hev bikin.
