Seroka Komîsyona Ewropayê Ursula von der Leyen di axaftina ku di 16’ê Îlonê de li Parlamentoya Ewropayê bike de wê pêşniyarên nû yên li ser ewlehiya înternetê ya ji bo zarokan ragihîne. Di nav pêşniyaran de ji bo zarok û ciwanan sînorê temenê bikaranîna platformên medyaya dîjîtal hene . Serokkomarê Fransayê Emmanuel Macron dixwaze ku ev sînorê wê 15 salî be.
Li gorî nûçeya AFP’ê rêxistinên civaka sivîl hişyarî dan ku qedexe dikare azadiya îfadekirinê û mafê gihîştina agahdariyê ya zarokan binpê bike. Her wiha fikarên ku berpirsiyariya ewlehiya înternetê wê li şûna şîrketên teknolojiyê li ser malbatan bihêlin. Îtîrazeke din a rêxistinan li ser pergala piştrasskirina temenê zarokan e û dibe ku ev pergal hin kesan ji karanîna platforman dûr bigire lê wê ji bo kesên ku belgeyên wan ê nasnameyê tinene rê li ber cudakariyê veke.
