Yekitiya Jinên Ciwan û Kongra Star a bajarojê Şêranê bi beşdariya xelkê Taşlûkê, endamên Meclisa Malbatên Şehîdan û endamên Tevgera Ciwanên Şoreşger 15`ê Tebaxê bi meşeke meşaleyê pîroz kir.
Meş ji destpêka gundê Taşlûkê yê li rojhilatê bajarê Kobanê ve hat destpêkirin û heta navenda gund dewam kir. Di meşê de dirûşmên” Bijî Serok Apo” û ” Bijî berxwedana garîla” hatin berzkirin.
Li naverasta gund berdevka Yekitiya Jinên Ciwan Neda Şehîn 15`ê Tebaxê li Rêber Abdullah Ocalan û li gerîlayên azadiyê pîroz kir û wiha got: “Fîşeka destpêkê ya li dijî dijmin hatiye teqandin ji hêla şehîd Egîd ve bû. Ji wê demê ve çirûska azadiyê dest pê kir.”
Neda wiha gotina xwe bi dawî kir: “Em ê ber tim li ser raman û felsefeya Rêber Abdullah Ocalan bin. Em ê têkoşîna ku şehîd Egîd bişopînin. Em wê berxwedanê nasekinîn û em ê her tim li kolanan bin û têkoşîna xwe hîna xurttir bikin.”
Piştre meş bi dirûşma” Bijî berxwedana gerîla” bi dawî bû.
