Vê sibehê hêzên hikumeta veguhêz tenê 2 rêyên El Ewarid û Çerxerêya Şêhan li pêşiya çûn û hatine bi peyatî ya şêniyan vekiribûn, lê rê nehatibû dayîn ku erebe derbas bibin.
Hêzên hikumeta veguhêz komên axê ji ser her du rêyên Ewarid û Çerxerêya Şêhan, li kêlek wê jî rêya Parka Eşrefiyê rakirin. Lê rêyên din ên ber bi her du taxan ve hîna girtî ne.
Bi rakirina komên axê ji ser her sê rêyan, 4 rêyên sereke yên ber bi her du taxan ve hîna girtî ne; Çerxerêya Leyremûn, Çerxerêya Cendûl, Telet Eşrefiyê û Cizîrê bi temamî girtî ne.
Hêzên hikumeta veguhêz di 6ˊê Cotmeha 2025ˊan de rêyên ber bi taxên Şêxmeqsûd û Eşrefiyê ve girtibûn û dûre êrişî her du taxan kirin. Di encama êrişan de welatiyek şehîd bû û nêzî 60 kes jî birîndar bûn.
