Hevpeymaniya Hêzên Siyasî ya Rojhilatê Kurdistanê ya Îranê têkildarî rewşa niha ya Îranê û ragihandina agirbestê daxuyaniyek nivîskî da.
Hevpeymaniyê diyar kir ku Rojhilata Navîn bi qasî 39 rojan di nava agir û şereke giran de bû û got: “Rejîma Komara Îslamî ya Îranê di bin êrişên tund û raste rast ya Amerîka û Îranê de bû. Di encamê de 7’ê Nîsana 2026’an piştî ultîmatona Serokê Amerîkayê ya ku ‘Eger Kendava Hurmiz neyê vekirin wê vegerin serdema kevir’ û şûnde rejîma Îranê teslîmî bû û neçar ma ku agirbestê qebûl bike.
Em di vê çarçoveyê de nêzîkatiya xwe ya ji bo rewşê wiha nîşan dikin:
Yekem: Berpirsyariya rejîmê ya ji şer û wêrankariyê
Berfirehbûna şer û têkçûna asayîşa herêmê, encama raste rast ya siyaseta têkçûyî ya Komara Îslamî ye. Ev rejîm bi rêya hewldan hilgirtina çekên navokî û destdirêjî karê welatan bike. Siyaseta şoreşa îslamî bişopîne. Piştgiriyê bide terorîzmê û girîngî dayîna pêşxistina bernameya mûşek û dronan. Cîhan ber bi ne aramiyê ve birine. Ev şer bûye sedemê ziyangihandina gelek welat, koçberiya bi hezaran malbatan.”
Duyemîn: Em pêşwaziyê li her pêngavek ku bibe sedema rawestandina xwînrijandin û parastina giyanê welatiyên sivîl dikin. Lêbelê, hişyarî tê kirin ku divê agirbest wekî derfetek taktîkî ji bo rejîmê neyê bikar anîn da ku xwe jinûve rêxistin bike û nêzîkî çekên nukleerî bibe. Her lihevkirineke ku îradeya gelê Îranê paşguh bike, dê tenê aştiyek demkî û xeternak be.
Sêyemîn: Agirbest tenê wê demê watedar dibe ku bibe destpêkek ji bo;
Bi temamî dawî li destwerdana leşkerî, îstîxbarat, rêxistin û rêvebirina rejîmê bînin.
Hilweşandina bingehîn ya bernameyên nukleerî û mûşekî.
Pabendbûna bi prensîbên mafên mirovan û naskirina mafên rewa yên netewên li Îranê, bi taybetî mafê diyarkirina çarenûsê ji bo gelê Kurd.
Çaremîn: Ezmûna 47 salî ya Komara Îslamî ya Îranê nîşan daye ku ev rejîm nayê reformkirin û aştî tenê bi guhertinên bingehîn û demokrasiyê dikare li herêmê were vegerandin. Tevgera rizgariya Kurdistanê hebûn, berdewamî û hêza xwe ji netewa xwe û îradeya azadî û serweriyê digire û ne berhema şer û pevçûnên navnetewî ye; Ji ber vê yekê, ne agirbest û ne jî peymana bi Komara Îslamî ya Îranê re dê rê li ber berdewamiya wê bigire. Tu agirbest an lihevkirineke siyasî dê rê li ber hewldanên me yên ji bo bidestxistina azadî û serweriyê negire.
Bijî têkoşîna rewa ya gelê Kurd.”
