Berdevkê Polîtîkaya Ewlehiyê û Têkîliyên Derve ya Yekîtiya Ewropayê (YE) Anouar El Anouni daxuyanî da û got, “Hamasê qebûl nekir ku qonaxa destpêkê ya peymana agirbestê ya li Xezeyê were dirêjkirin. YE vê nêzîkatiyê rexne dike.”
Berdevk biryara Îsraîlê ya “astengkirina hemû alîkariyên mirovî ya ji bo Xezeyê” jî rexne kir û got, “YE bang dike ku têkildarî qonaxa duyemîn a agirbestê demildest muzakere destpê bikin û piştgiriya xwe ya ji bo navbeynkaran jî îfade dike.”
El Anouni ev tişt jî got, “Agirbesteke mayînde, ji bo jinûve avakirina Xezeyê şert û mercên pêwîst diafirîne û wê ji bo berdana dîlgirtiyên Îsraîlî jî tevkariyê bike.”
Berdevk got, “Ji bo ev pêk were, hemû alî xwedî berpirsyariya siyasî ne.”
Hamasê gelek caran dirêjkirina qonaxa destpêkê ya peymana agirbestê red kir û ji bo şer bi rengekî mayînde bisekine, xwest derbasî qonaxa duyemîn bibin.
