Rêveberê xwecihî yê herêma Gwer Westê Ormin Torsar Victor ji AFP’ê re axivî û anî ziman di êrîşan de yên navbera rojên În û Yekşemê hatin kirin, tenê li gundê Aondanayê 20 kes hatin kuştin.
Yek ji gundiyan Ruthie Dan Sam ji bo hovîtiya ku dît, got “Zarokên kêmî du salî jî hatin kuştin. Dîmenekî tirsnak bû ku kêr li devê pitikekî hatibû xistin.”
Êrîş weke parçeyek ji rageşiya olî û etnîkî ya navbera şivanên Fulani yên Misilman û cotkarên Xiristiyan ên li ser bikaranîna zevî û çavkaniyan tê dîtin.
Berdevka Polîsan a Eyaleta Benue Anene Sewuese Catherine piştrast kir ku li herêmê du êrîş hatin kirin, lê belê hîn tespît nekirine ku 20 kes mirine. Hate ragihandin ku di êrîşan de polîsek jî miriye û 3 cesedên din hatine dîtin.
