Weqfa Alikariya Mirovî ya Xezeyê (GFH) di daxuyaniya xwe ya roja Çarşemê de ragihand ku li cihekî belavkirina alikariyê yê li başûrç Filistînê 20 kes hatine kuştin û îdîa kir ku kesên çekdar ‘’izdiham’’ derxistine.
GHF’ya saziya taybet ku Dewletên Yekbûyî yên Emerîkayê (DYE) û Îsraîl piştgiriya wê dikin, got: ‘’Li gorî agahiyên li ber destê me, ji mexdûran 19 kes hatine hatine pelçiqîn û kesek jî di izdihama hatî derxistin de hatiye kêrkirin.’’
Bûyer li Han Yûnûsê qewimiye. GFH, kesên çekdar ên girêdayî GFH’ê bi ‘’derxistina geremola bi zanebûnî’’ sûcdar dike.
LI CIHÊN BELAVKIRINA ALIKARIYAN NÊZÎKÎ 900 KES MIRINE
Buroya Mafên Mirovan a Neteweyên Yekbûyî da zanîn ku di nava şeş hefteyên dawîn de li cihên belavkirina alîkariyan û li nêzîkî konvoyan ên li Xezeyê herî kêm 875 welatiyan jiyana xwe ji dest dane.
Piraniya mexdûran, li cihên belavkirina alikariyên GFH’ê bûn ku di dawiya meha Gulanê de piştî Îsraîlê dorpêça xwe ya li ser Şerîda Xezeyê rakir, dest bi belavkirina pakêtên alikariyan kir.
Ev sazî ji aliyê NY’ê ve bi tundî tê rexnekirin. NY, modela GFH’ê weke ‘’ji bingehê ve xeternak e’’ pênase dike û dide zanîn ku rêgezên bêterefbûna alikariya mirovî binpê dike.
GFH, ji derveyî pergala alîkariyan a ji aliyê Neteweyên Yekbûyî ve hatiye koordînekirin, dixebite û ji bo belavkirina alikariyan ji şîrketên Emerîkî yên di warên ewlehî û lojîstîkê de pêşketî ne, sûd werdigire. Li gorî Îsraîlê evyek rê li ber rîska talannên Hamasê digire.
Hefteya borî zêdetirî 130 saziyên navdêr kuyên weke Oxfam, Save the Children ve Amnesty International jî dinav de cih digirin, dan zanîn ku artêşa Îsraîlê û hin komên çekdar bi awayekî rûtîn guleyan berdidin ser sivîlan û daxwaza girtina GFH’ê kiribûn.
Di daxuyaniya saziyan de ev yek hatibû gotin: ‘’Du rê li pêşiya Filistiniyên li Xezeyê ne: Yan mirina ji birçîbûnê yan jî mirina dema dixwazin xwe bigihînin alikariyan.’’
