Saziya Tora Mafê Mirovan ya Kurdistanê têkildarî binçavkirin û girtina Kurdan ya li Rojhilatê Kurdistanê ya ji aliyê rejîma Îranê ve agahiyek parve kir.
Hate ragihandin ku 28’ê Cotmeha îsal hêzên Îranê avêtine ser mala kesê bi navê Eyûb xelkê gundê Parastin ya ser bi bajarê Serdeşt ya Rojhilatê Kurdistanê. Reşî bêyî fermana dadgehê hatiye binçavkirin û ew birine Girtîgeha Urmiye.
Tora Mafê Mirovan diyar kir ku berpirsyarên rejîma Îranê tu agahî derbarê serdanên malbatê de nedane.
Hate diyarkirin ku 30’ê Cotmehê welatiyên bi navê Wehab Mihemd Pûr, Rewûf Ferûxî û Rehîm REhmanî li bajarê Pîranşar ya Rojhilatê Kurdistanê ji aliyê hêzên Îranê ve hatine binçavkirin û veguhestine Girtîgeha Urmiye.
Li aliyê din rejîma Îranê daxwaza radestkirina Aware Ferûxî jî dike.
Hate ragihandin di çarçoveya pêngava binçavkirin û girtina Kurdan de hêzên rejîma Îranê li bajaran Pîranşar, Urmiye û Serdeşt hewl dide bi dron û û şikandina pencere deriyên malên kesên hatine binçavkirin, vîna gelê herêmê bişkîne. Di serdegirtinan de dest danîne ser hinek kelûpelên di nava malan de jî.
Hêjayî bibîrxistinê ye ku di nava 3 rojên borî de 12 kes hatine binçavkirin. Piranî kesên hatine binçavkirin jî endamên malbatên çalakvanên siyasî ne.
