Lijneya Rêveberiya Navendî (MYK) ya Partiyên Herêmên Demokratîk (DBP), têkildarî êrîşa li dijî karkerên Kurd ên demsalî ya li navçeya Bor a Nîgdeyê daxuyaniyeke nivîskî weşand. Di daxuyaniyê de êrîş hate şermezarkirin.
Bi domdarî di daxuyaniyê de wiha hate gotin: “Wekî her sal, îsal jî karkerên Kurd bi heqaretên nîjadperest û tundiyê rû bi rû man. Li aliyekî pergala ku keda karkeran îstismar dike li aliyê din jî hişmendiyeke ku hêza xwe ji desthilatê werdigire û nasnameya neteweyî ya karkeran tehdît dibîne û tundiyê li karkeran dike, heye. Ewlehiya jiyana karkerên demsalî û tespîtkirina êrişkaran erka desthilatê ya bingehîn e. Daxwaza me ew e ku îktîdar dev ji hişmendiya ku cisaretê dide êrişkaran û nahêle hiqûq erka xwe cîbicî bike, berde û der heqê êrişkaran de lêpirsîna hiqûqî bide destpêkirin. Em careke din vê êrişa ku îradeya jiyana hevpar a gelan dike hedef, şermezar dikin. Em ji bo birîndaran şîfayê dixwazin. Em soz didin ku em ê bibin şopdarên vê bûyerê û ji bo berpirsiyar hesabê bidin em ê têbikoşin.”
