Endamên Komîsyona Demokrasî, Xwişk-Biratî û Piştevaniya Mîllî ya ji Partiya Demokrasî û Wekheviyê ya Gelan (DEM Partî) li ser civînên 6 û 7’an ên 27 û 28’ê Tebaxê daxuyaniyek weşandin.
Di daxuyaniyê de hate gotin, “Di çarçoveya çareseriya demokratîk a pirsgirêkeke bi vî rengî dîrokî de gavên bêne avêtin wê bi tenê bi endamên komîsyonê sînordar nebe, haya me ji vê heye. Em bi bawer û biryar in ku tevkariyên em li bendê ne wê avakirina sîstemeke ji serweriya hiqûq û demokrasiyê xurt bike.
Di pênasekirin û pêşniyarên serokên baroyan ên li ser karê komîsyonê de hin cudahî hebin jî hêviya me ji Yekîtiya Baroyan û hemû baroyên ku li komîsyonê axivîn û hatin guhdarîkirin ew e ku tevkariyên pêwîst li sererastkirinên qanûnî bikin.
Di çarçoveya çareseriya demokratîk a vê pirsgirêka dîrokî de gavên bêne avêtin wê tenê bi endamên komîsyonê bi sînor nemînin, haya me ji vê yekê heye. Em bawer in û bi biryar in ku tevkariyên em li bendê ne wê avakirina sîstemeke ji serweriya hiqûqê û demokrasiyê xurt bike.
Pêşniyarên serokên berê yên Meclîsê yên weke; pêkanîna edaleta dema derbasbûnê, guhertina Qanûna Înfazê, xurtkirina azadiya îfadeyê, rakirina qanûnên ku rê dide pêkanînên qeyûman, bicihanîna biryarên Dadgeha Mafên Mirovan a Ewropayê û mafê hêviyê, pêkanîna biryarên Dadgeha Destûra Bingehîn, berfirehkirina pênaseya welatîbûnê û sererastkirinên li ser bingeha welatîbûna wekhev, hêja ne. Ev nêzîkatî di asteke dîrokî de hêja ye ku pirsgirêka Kurd bi feraseta pirsgirêka ewlekariyê neyê nirxandin, sedemên bingehîn ên pirsgirêkê ji holê bêne rakirin û atmosfereke çareseriya demokratîk bê afirandin.”
Di dewama daxuyaniyê de işaret bi girîngiya ziman hate kirin û hate gotin, “Kurte encama guhdarîkirinên du rojên dawî ji bo me ew e; di çarçoveya aqlê çareseriyê û hestê fêhmkirina ji hev, ji bo paşerojeke wekhev, adil, azad, demokratîk a gelên welêt hewldan bê kirin û zimanek li gorî wê bê bikaranîn. Em ji bîr nekin ku cihêrengiya me dewlemendiya me ye; zimanê dayikê yê her yekî ji me divê zimanê aştiyê be.”
